好男友必看！跟著型㕑Gabriel學秋冬穿搭

既然無可能好似Gabriel咁靚仔，不妨學下Gabriel係劇中的服飾穿搭，我諗一樣都可以好加分。大家一定覺得人地顏值高，無論著咩都咁好睇啦。顏值唔等於長相，長相唔好都一樣可以著到顏值高。相信大家年尾一定有好多節目，仲唔學定幾套穿搭，約心儀嘅女仔去街街！

Items: 淺藍色牛仔褸+白TEE+黑色長褲

秋冬必備淺藍色牛仔褸，配上每個男仔衣櫃都必有嘅全白TEE，黑褲，深淺色對比可以令整體望上去身材比例更好。唔知大家有冇細心留意到，Gabriel嘅牛仔褸手袖位係roll起的，感覺型得黎又夠casual，而牛仔褸要選擇較修身的為合適。

Items: 深藍毛呢短褸+淺藍衛衣+黑色長褲

呢套穿搭真係時尚感滿滿，衛衣加上毛呢短褸，感覺不會太端莊隆重。其中一大特點就是必需選擇短褸，長款大衣一向不太適合矮個子和體形稍胖的男生，會將你地所有缺點通通暴露出來所以選擇毛呢短褸更加可以修長個線條呢。

Items: 深綠短褸+綠白格仔襯衫+白TEE

一提到格仔襯衫，大家都一定覺得呢個係工程員/IT男嘅標配。但其實格仔襯衫都可以著得好時尚，要不然都係因為無襯得岩而已。小編覺得揀格仔襯衫顏色係好重要，顏色最好唔好多過三隻色，而底色最好係黑白為主。Gabriel圖中呢套就做左個好好嘅例子，配色做得相當唔錯。綠白格仔襯衫配上同色系淨色外套，而T-shirt亦係用上白色，白色係格仔恤襯衫的底色，令到整體感覺非常型格。