相信MUJI無印良品嘅文具陪伴咗唔少香港人度過公開試和DSE，而MUJI嘅產品設計簡約，有品質保證，唔少香港人都係MUJI Fans。但MUJI其實都有啲又貴又唔好用嘅雷物，小編為大家整理咗MUJI好物與雷物清單，唔想中伏就快啲參考下啦！

【好物】

PC軟墊啫喱筆 HK$8

啫喱筆絕對係經典商品，相信無印迷一定有擁有過。呢款啫喱筆喺日本被命名為「能流暢地書寫的啫喱筆」，色彩鮮明嘅水性墨水十分好寫，冇墨之後仲可以購買替芯補充，既環保又實惠。

（圖：MUJI官網）

便攜式睫毛夾 HK$40

MUJI呢款睫毛夾早前有一段時間周圍斷貨，輕巧設計唔佔空間，方便攜帶，半透明嘅壓克力質地充滿MUJI嘅簡約風格。各角度都可以夾到，而且夾出黎嘅弧度非常自然，唔怪之得咁熱賣。

（圖：MUJI官網）

撥水加工有機棉束繩便服鞋 HK$180

小編覺得MUJI嘅帆布鞋係隱藏好物，性價比超高，採用有機棉撥水加工處理，唔易沾染水漬。此外，鞋內有按摩鞋墊，採用可支撐腳底足弓嘅設計，走路時更舒適自在。

（圖：MUJI官網）

【雷物】

磁器牙刷座&牙刷 HK$25/HK$25

MUJI嘅牙刷座基本上只能放置MUJI出品嘅牙刷，由於其他牌子牙刷嘅重心位與手柄位構造唔同，所以好容易倒下，性價比唔高。可能你會想買MUJI嘅牙刷配合牙刷座使用，但小編就建議大家唔好買，因為MUJI牙刷都係被網民批評嘅產品之一，刷毛質地較硬較粗，容易耍到流牙血，有網民甚至話酒店嘅牙刷仲好用過MUJI牙刷，可想而知呢枝牙刷有幾伏。

（圖：MUJI官網）

手動碎紙機 HK$90

碎紙機可以將屋企印有重要資料嘅信件毀滅後再棄置，而且MUJI呢部碎紙機細細部好似幾方便放置。但每次只能放1至2張紙，而且要用手慢慢扭轉，唔少網友用完之後都話，用手撕仲快過用呢部機，對於性情較急嘅香港人黎講，都係唔好曬錢買難受了。

（圖：MUJI官網）

不銹鋼保溫杯 HK$150/HK$180

今期雷品冠軍就係呢個保溫杯！十個用過MUJI保溫杯嘅網友之中，有十個都話保溫杯會漏水，完全失去咗水樽最基本嘅功能，只能作為一個裝飾品，價錢既貴又冇用，令人大感失望。

（圖：MUJI官網）

下次去MUJI記得避雷啦～