大家最愛嘅麥當勞與美國饒舌歌手Travis Scott推出全新聯乘系列，將麥當勞招牌麥樂雞、薯條、托盤和飲品紙杯等變成超有紀念價值嘅攬枕、上衣、襪子及拖鞋等商品，充滿Travis Scott個人品牌嘅「Cactus Jack」風格！一齊睇下「麥當勞 X Travis Scott」呢個超瘋狂嘅聯乘系列吧！

聯乘商品中最引人矚目嘅就屬「麥樂雞攬枕」，直接將麥當勞嘅麥樂雞設計成可抱緊嘅攬枕，擬真度超高，小編望到忍唔住流口水啦！另外仲有麥當勞托盤、兒童樂園餐紙盒都結合咗「Cactus Jack」風格，超有紀念價值！

聯乘商品又點少得潮衫潮褲呢！印有微笑茄汁、薯條嘅T-shirt超特別，衛衣和褲款印上「麥當勞 X Travis Scott」聯乘Logo，簡約得黎人人都可以carry！小編都好想買黎收藏啊。

仲有好多「麥當勞 X Travis Scott」聯乘商品可以去Cactus Jack官網查看，全系列周邊已於10月9日正式上架官網，雖然開賣當日已經一搶而空，不過官網仍有不定時更新，偶爾刷新網頁可能會有餘量庫存釋出，心動想購入嘅朋友要密切留意Cactus Jack官網喔！