相信唔少人同小編一樣，天氣一涼就會好想即刻拎針織衫出黎，又保暖又好睇。秋天適合穿著薄薄嘅針織衫，唔少韓國時裝KOL都紛紛上咗自己嘅秋季穿搭，小編整合咗5款今季最流行嘅針織衫穿搭，每種都能展現出唔同嘅風格和氣質，即刻參考下邊款啱你啦！

針織背心

今季秋冬必備單品一定非針織背心莫屬！比起合身嘅款式，今年更興寬鬆嘅男友風設計，可以完美遮住身材嘅不足之處，同時又唔會顯得臃腫，無論係搭配褲裝或裙裝都適合。內襯建議以淨色恤衫作搭配，突顯愜意嘅浪漫氣息，也可以搭配短袖或長袖T-shirt，展現慵懶隨性氣質。除咗素面款式，亦可換上具有秋冬色調嘅幾何圖騰背心，更能展現溫潤嘅質感美。

（圖：IG@ji___silver、@likeyou）
（圖：IG@kimehwa、@zoopeach）

薄針織外套當上衣

針織外套除咗可以作為外罩衫，仲可以直接當作上衣搭配，今年秋冬非常流行將外套當作上衣穿。但如果係比較厚嘅材質就唔建議扎入褲頭，以免顯得腰部臃腫。天氣再凍啲可以和同色系嘅大褸或西裝外套搭配，締造層次感。

（圖：IG@zoopeach、@frombeginning_）
（圖：IG@frombeginning_、@kimehwa）
（圖：IG@likeyou、@withyoonjy）

鬆身薄針織衫

一件寬鬆針織衫搭配褲裝，就如夏天一件T-shirt配上短褲一樣簡單有型。倘若覺得有點單調，可以內搭襯衫或是貼身剪裁嘅針織上衣，會增強穿搭嘅層次感，或者不妨搭配一條誇張一點嘅長頸鏈點綴。

（圖：IG@wonlog、@likeyou）
（圖：IG@wonlog）

Polo shirt領口針織衫

唔少潮人最近都穿起Polo shirt針織衫，V領能展現你最美嘅鎖骨線條，比圓領針織衫更顯臉小，若天氣再凍啲可以內搭一件高領衫或恤衫。

（圖：IG@frombeginning_）

披肩式針織衫

如果覺得著針織衫會熱的話，可以將針織衫批於肩膀或是斜挎綁於胸襟前，會顯得時髦又具玩味態度。內層搭配恤衫或T-shirt皆可，但不建議搭配厚重嘅衛衣或針織衫。

（圖：IG@kimehwa）
（圖：IG@wonlog）

以上幾套針織衫穿搭，你最鍾意邊套呢？