來自西班牙嘅TATABI Studio設計工作室早前發表咗牙膏品牌「IKI」嘅設計概念。品牌以清新、優雅、輕鬆為主要概念，靈感來自西班牙Menorca嘅沿海風光：陽光輕柔地照在沙灘上，海浪拍打在巖石上，種種惬意意象延伸出「IKI」嘅自然、隨性形象。

「IKI」牙膏使用全天然原料，分別以薄荷、迷迭香，鼠尾草、泥土，海鹽製成3款氣味，對應到薄荷綠、泥磚紅、灰白色嘅容器顏色。容器造型設計靈感來自Menorca海灘上嘅海鷗，使用再生塑料製造，模擬陶土燒製過嘅質地。而為咗減少牙膏包裝嘅大量消耗，「IKI」牙膏設計咗可拆卸嘅內罐，只要轉動瓶子底部就可以填充新牙膏。

擠壓式嘅設計令擠牙膏嘅動作變得非常方便，而且簡潔嘅瓶身放置於家中能提升格調，於此同時還能為環保出一分力，非常值得購買，不過「IKI」牙膏暫未正式發售，將來上架後大家不妨買來支持環保！更多圖片可以參考TATABI Studio官網。