韓國Daiso嘅商品一向深受大眾歡迎，產品價錢實惠兼實用，更不時會與其他品牌聯乘推出特別商品。今次韓國Daiso與深受女仔喜歡嘅「迪士尼公主」聯乘，商品類型十分多樣化，從Party用品、文具和生活家品類型應有盡有，各位公主迷千奇唔好錯過呀！

Party用品系列

開Party又點少得歡樂嘅裝飾物佈置場地呢？Daiso「迪士尼公主」聯乘系列有Party帽、紙碟、紙杯、Party掛飾以及生日牌等，全部都注入充滿少女心嘅公主元素，每一款都非常好看，無論係小朋友或者係大人都適合用黎喺Party打卡！

文具用品系列

文具絕對係Daiso抵買商品之一，今次聯乘系列嘅原子筆、便條紙、眼鏡盒、筆記本、貼紙等文具上都印有公主圖案！

日用品系列

家用日用品產品非常之多，有毛毯、環保餐盒、水杯、膠水樽、流沙設計嘅水杯、杯墊等等，通通印上公主圖案，每個細節都要有公主嘅存在。

  • <br>

裝扮系列

Daiso今次推出多款扮靚商品，由洗臉、化妝、頭飾和指甲都有，款款都很夢幻，美到唔捨得用呀！小編超鍾意迪士尼公主化妝掃套裝，係最值得入手商品之一，化妝掃嘅包裝盒好似一本書，而四支化妝掃都係基本化妝需用嘅工具，非常實用，胭脂、眼影和鼻影都啱用。

公仔系列

Daiso嘅公仔亦非常抵買，尤其今次聯乘系列公仔，雖然冇公主，但有公主身邊最要好嘅朋友，軟腍腍好可愛！