即將踏入2020年末，換個新髮型迎接最後嘅2020年啦！日本韓國最近大勢嘅捲髮髮型每款都仙氣十足，仲要顯瘦遮肉、超級顯小臉，一齊參考下有邊啲秋冬捲髮範本吧。

人魚捲

今季大熱嘅髮型必屬人魚捲！韓國、日本大街上四處都可以見到有人係呢種髮型。人魚捲波紋淺，內外彎交錯嘅隨性感，有種優雅小輕新感覺。空氣感十足望落有靈動性，整體波光粼粼帶有一啲濕潤感，所以被稱作人魚捲。呢款髮型大部分人都可以駕馭，基本上圓臉、方臉都可以修飾到臉型。搭配微捲度嘅長瀏海，會望落更嫵媚。

人魚捲（圖：IG@lala__hair、rddddr）

Smooth Perm

Smooth Perm都係韓國今年秋冬最新流行嘅捲髮！第一眼望落去好似內彎，但其實係唔同嘅！內彎嘅捲度係明顯向內勾，而Smooth Perm追求嘅係髮尾微曲嘅弧度，望落若有似無，非常隨性，好似冇整理但其實精心打扮！呢款捲度非常適合搭配中長髮長度，頭髮會喺臉部邊緣形成陰影，整體臉型會更顯瘦，推薦圓臉人嘗試！

Smooth Perm（圖：IG@yeovvun）

外八捲

外八捲係韓國近幾年非常常見嘅捲髮，捲度以兩個八字組成，一組係瀏海嘅八字捲，令一組係髮尾嘅八字捲，兩者搭配起黎修飾效果特別好，呢個髮型尤其適合方型臉型，或臉型稜角比較明顯嘅人，髮尾嘅八字捲可以柔和下顎突出嘅角度，讓整體臉型線條望落更溫柔。

外八捲（圖：IG@lee_eun_ch、@yeovvun）

雲朵燙

雲朵燙最大特點就係捲度輕盈，雖然冇明顯嘅層次，但空氣感十足，捲度唔厚重，任何瀏海都可以搭配，呢款捲度對於懶人和手殘者黎講好易打理，係一款非常有氣質嘅仙女捲度。

雲朵燙（圖：IG@yeovvun、@rddddr）

你最鍾意邊款捲髮髮型？小編每款都好想試下呀！