11月14日更新：

召集各位LEGO迷，LEGO終於公佈最新產品「10276 Colosseum羅馬競技場」啦！正如之前嘅流傳消息一樣，新作共有9036件零件，刷新LEGO零件數量嘅新紀錄！ 將於11月27開賣，售價為US$549.99（約HK$4,265），有興趣嘅朋友記得當日去LEGO官網搶購啦！

「10276 Colosseum羅馬競技場」高度還原古羅馬建築細節，由3層環狀拱廊及頂層所組成包含多利克式、愛奧尼亞式和柯林斯式三種基本柱式，按真實比例設計，超逼真，彷彿置身中古歐洲一樣！

而早前猜測嘅「Fiat 500」黃色車，原來喺「10276 Colosseum羅馬競技場」裡只係一個簡單嘅黃色零件。

即刻睇下LEGO嘅介紹片啦：

以下為早前流傳消息：

早前有關LEGO最新產品「10276 Colosseum羅馬競技場」嘅相片流出！相中隱約可以見到包裝上寫有9000幾塊零件，預計新作將於今年11月推出。不過有關「10276 Colosseum羅馬競技場」嘅消息LEGO官方暫未證實真偽。

有眼尖嘅LEGO迷發現「10276 Colosseum羅馬競技場」嘅包裝上，競技場外有一輛黃色嘅車，便立刻聯想到LEGO「Fiat 500」，仔細一睇「Fiat 500」包裝，背景竟然係羅馬競技場！睇黎LEGO一早便有釋放線索予各位LEGO迷。

有消息指「10276 Colosseum羅馬競技場」會屬於LEGO Creator Expert系列嘅產品，相信有機會成為史上最大盒嘅LEGO！目前最多零件嘅LEGO係Star Wars系列「UCS Millennium Falcon (75192) 」，共有 7541塊。若果相片係真，將會打破咗「UCS Millennium Falcon (75192) 」零件件數嘅記錄！

小編單睇羅馬競技場嘅真實圖片都可想像到「10276 Colosseum羅馬競技場」將會好複雜，會打破零件數目紀錄都不足為奇。有香港商鋪更預先為「10276 Colosseum羅馬競技場」報出預購價，竟然要HK$3,849.90！雖然消息暫未證實，但相信各位LEGO迷已經蠢蠢欲動，希望LEGO可以快啲公布最新消息啦！